YanaDr Swanepoel skryf op my getuigskrif van ….. “verskeie sportprestasies, kultuur deelnames, aanprysings oor akademiese prestasies, boekpryse en oor die jare heen verskeie kere onderkaptein en kaptein van haar netbalspan, voorsitter van ‘n Mej. Valentyn-komitee en uiteindelik Visepresidente van haar geliefde skool in 2015 (Afrikaanse Hoër Meisieskool)”.

My ma glo dis fantasties dat ek tans ‘n tweede jaar mediese student is (MB ChB) wat my eerste jaar geslaag het deur al my vakke te promoveer. Sy spog ook graag dat ek onlangs uitgenooi is na die fakulteit-pryswennersfunksie op 24 Mei 2017 en ook lidmaatskap aangebied is van die Golden Key Internasionale Organisasie ( onder die 15% toppresteerders by UP se mediese fakulteit in 2016).

Ek is eintlik net ‘n gewone jongmens wat geesdriftig oor die lewe is, baie liefde vir my mede-mens het en daaraan glo om betrokke by my omgewing te wees. My geloof anker my en ek weet waar my Hulp vandaan kom.

Die Noordelike Helpmekaar Studiefonds is enig in sy soort met lae rentekoerse en boonop meriete-toekennings om studente aan te spoor en te beloon. ‘n Baie groot, opregte dankie vir die uitstekende diens wat hulle lewer. Die NHSF is ‘n ware bondgenoot op my pad na sukses.