Ek het grootgeword in Benoni waar ek aan die Benoni High School matrikuleer en vier onderskeidings verwerf het.
In 2017 het ek aan die Universiteit van Stellenbosch B Rek studeer, maar besef dat dit nie die regte studierigting vir my is nie. Ek het in 2018 vir B Comm Regte by Pretoria Universiteit ingeskryf en besef dit is waar my belangstellings lê en wat ek nog altyd wou studeer. Ek poog tans om my tweede en derde jaar tegelykertyd te voltooi en is baie dankbaar dat die Noordelike Helpmekaar Studiefonds dit vir my moontlik maak.
Dit was geen maklike taak om gedurende 2018 al die modules van my eerste jaar, asook ‘n paar van die tweede jaar te voltooi, terwyl ek deeltydse werk as kelnerin, asook au pair, verrig het nie.
Ek wil die Helpmekaar Studiefonds bedank vir hul hulp waarsonder ek nie sou kon studeer nie. Ek wil verder ook die Fonds hartlik bedank vir my meriete-toekenning wat ek glad nie verwag het nie! Dit was ‘n besondere welkome geskenk en ‘n groot eer om dit te ontvang . Ek sal die Fonds ewig dankbaar wees vir hul hulp om my droom te verwesenlik.