MiniqueVandat ek kan onthou wou ek regte studeer, maar nie net suiwer regte nie- B.Com. Regte. My akademie was nog altyd my eerste prioriteit, maar goeie punte is nie altyd genoeg nie.

Dit is nooit lekker om met ’n droom te leef wat as gevolg van ’n tekort aan geld, moontlik nie ’n realiteit gaan word nie. Gelukkig het NHSF tot my redding gekom. Ek het in 2015 matrikuleer en is vandag ’n trotse Puk. Dit is die tweede jaar wat NHSF my finansieel ondersteun en ek kan nie genoeg vir hulle dankie sê dat hulle dit vir my moontlik maak om my droom uit te leef nie.

Beide my broers kon hulle studies ook voltooi te danke aan NHSF. Hulle help nie net ons as studente nie, maar hulle verminder ook ons ouers se stres. Ek en my hele gesin sal NHSF ewig dankbaar bly vir die geleenthede wat hulle ons bied.